ها يا أستاذ دخلت كليه ايه: هندسة انجليزى...
-نعم...هندسة انجليزى!!! دى قاهرة دى
ايوة هندسة انجلش قاهرة
- لا ماشاء الله... و ده من ايه ده
- - نعم!!
- لا قصدى يعنى من امته و ليه و ايه الفايدة.. معلش اعذرنى اصلى جديدة فالبلد دى..
- لا عادى المادة بألف و بناخد 12 مادة،، بس ايه بأه السكاشن مكيفة و مدهونة حيطة حمرا و حيطة بنى، فبتعمل جو نفسى حلو...كمان معتمدة من جامعة نيو سنتراين فى تشيكوسلوفاكيا قبل انهيار الاتحاد السوفيتى و تبقى التشيك لوحدها و سلوفيكيا لوحدها
- هه!!!
ما علينا.. اللى فات ده كان حوار كده بينى و بين واحد دخل هندسة، بس انجلش
( مش بحاول اتعامل إلا مع الناس اللى فى هندسة انجلش، إنفة أوى أنا)،، بجد بسمع و ببأه مش مصدقة ، انجلش ايه بس،، و ليه أصلا، مالناس متخرجة من هندسة قاهرة و ماشاء الله ناس كويسة يعنى...إللى غايظنى فعلا، إن الدولة ماعجبهاش ان حيتان الجامعات الخاصة بيكسبو و مناشير طالعين واكلين نازلين واكلين، قاموا قالولك طَيب و هو احنا ولاد البطة السودا،، فنعملّنا مصلحة احنا كمان،، و أهو يبقى ضحك على الدقون..
ممكن أكون غلطانة، بس طالما ان الجامعات المصرية معترفة ان الطالب لازم يتخرج من جامعة معتمدة تؤهله انه يكمل دراسة فى أى بلد تانية، أو ان سوق العمل بيفضل مهندسين بيكلمو انجليزى ولا تونى بلير قبل ما أنكل براون ياخد مكانه، يبقى إيه لازمة الحوارات دى و نعمل كلية واحدة فيها كل المميزات المستقبليه دى ...
المشكلة ان الدكاترة هما هما و المعيدين هما هما ،، فمش فاهمة أنا،، هندسة انجليزى مثلا الكافيتريا بتاعتهم فيها بيبسى زيرو و التانيين معندهمش...
و لا فاتحين سيلنترو و بتوع انجليزى بس اللى ممكن يدخلوه..
المشكلة ان احنا وصلنا لمرحلة ازاى تبقى دولى عارفة متطلبات سوق العمل و ماتوفروش لطلبة المفروض انهم بذلو مجهود جامد و تعبوا عشان يأمنو لنفسهم و لو قدر ضئيل من التعليم الجيد الحكومى...
اللى زعلنى أوى بردو، ولد شوفته جايب قرابه ال99% فتالتة ثانوى و سقط فى اختبارات النجليزى بتاعة الجامعة الأمريكية و بتاعة إعلام انجليزى( ماهى موضة أصلها))،، يعنى وصلنا للمرحلة دى فعلا، 99% و ساقط انجليزى، سيبكو...
،، إن شاء الله قريب جدا جدا هيبقى فيه طب انجليزى و علوم انجليزى و فنون جميلة انجليزى و شرطة انجليزى( هتبقى بنص مليون ، لسه جايه من عنده دلوقتى و قاللى على الموضوع ده)... لأ و لسه....
-نعم...هندسة انجليزى!!! دى قاهرة دى
ايوة هندسة انجلش قاهرة
- لا ماشاء الله... و ده من ايه ده
- - نعم!!
- لا قصدى يعنى من امته و ليه و ايه الفايدة.. معلش اعذرنى اصلى جديدة فالبلد دى..
- لا عادى المادة بألف و بناخد 12 مادة،، بس ايه بأه السكاشن مكيفة و مدهونة حيطة حمرا و حيطة بنى، فبتعمل جو نفسى حلو...كمان معتمدة من جامعة نيو سنتراين فى تشيكوسلوفاكيا قبل انهيار الاتحاد السوفيتى و تبقى التشيك لوحدها و سلوفيكيا لوحدها
- هه!!!
ما علينا.. اللى فات ده كان حوار كده بينى و بين واحد دخل هندسة، بس انجلش
( مش بحاول اتعامل إلا مع الناس اللى فى هندسة انجلش، إنفة أوى أنا)،، بجد بسمع و ببأه مش مصدقة ، انجلش ايه بس،، و ليه أصلا، مالناس متخرجة من هندسة قاهرة و ماشاء الله ناس كويسة يعنى...إللى غايظنى فعلا، إن الدولة ماعجبهاش ان حيتان الجامعات الخاصة بيكسبو و مناشير طالعين واكلين نازلين واكلين، قاموا قالولك طَيب و هو احنا ولاد البطة السودا،، فنعملّنا مصلحة احنا كمان،، و أهو يبقى ضحك على الدقون..
ممكن أكون غلطانة، بس طالما ان الجامعات المصرية معترفة ان الطالب لازم يتخرج من جامعة معتمدة تؤهله انه يكمل دراسة فى أى بلد تانية، أو ان سوق العمل بيفضل مهندسين بيكلمو انجليزى ولا تونى بلير قبل ما أنكل براون ياخد مكانه، يبقى إيه لازمة الحوارات دى و نعمل كلية واحدة فيها كل المميزات المستقبليه دى ...
المشكلة ان الدكاترة هما هما و المعيدين هما هما ،، فمش فاهمة أنا،، هندسة انجليزى مثلا الكافيتريا بتاعتهم فيها بيبسى زيرو و التانيين معندهمش...
و لا فاتحين سيلنترو و بتوع انجليزى بس اللى ممكن يدخلوه..
المشكلة ان احنا وصلنا لمرحلة ازاى تبقى دولى عارفة متطلبات سوق العمل و ماتوفروش لطلبة المفروض انهم بذلو مجهود جامد و تعبوا عشان يأمنو لنفسهم و لو قدر ضئيل من التعليم الجيد الحكومى...
اللى زعلنى أوى بردو، ولد شوفته جايب قرابه ال99% فتالتة ثانوى و سقط فى اختبارات النجليزى بتاعة الجامعة الأمريكية و بتاعة إعلام انجليزى( ماهى موضة أصلها))،، يعنى وصلنا للمرحلة دى فعلا، 99% و ساقط انجليزى، سيبكو...
،، إن شاء الله قريب جدا جدا هيبقى فيه طب انجليزى و علوم انجليزى و فنون جميلة انجليزى و شرطة انجليزى( هتبقى بنص مليون ، لسه جايه من عنده دلوقتى و قاللى على الموضوع ده)... لأ و لسه....
29 comments:
بجد, انا مش قادر أفهم اللى بيحصل.
انا فاكر كنا بنبص للناس اللى فى هندسة خاص على انهم ما يستحقوهاش أصلا, لأن كليات القمة دى المفروض مافيهاش خيار و فقوس, طب الحاجات الأدبية و عادى , ممكن تاخد شهادة بفلوس عشان يعنى مظهرك الإجتماعى قدام أبو العروسة.
لكن تقوللى هندسة بفلوس ؟؟؟؟ يعنى الواحد من دول يبقى مالوش فيها و بياخد شهادة زيه زيك ؟, طب لو قلنا ماشى.... هل ممكن ينتج تصميمات صحيحة و يفكر كويس زى اللى دخلها بمجموع عالى ؟.....انا حاسس ان فى تهييس فالأداء.
و مش بعيد كمان حوار الطب اللى بفلوس, ده بأه اللى هيبقى فاكس عالأخر.
بصي يا سلمى بالنسبة لنوع الدراسة يعني انجلش او اي لغة تانية فبصراحة انا بؤيد ده جدا لأنه بيأهل الكالب للعمل في أماكن كويسة جداا
وعلى فكرة الاماكن دي موجودة فعلا وبتحتاج النوعية دي من الدارسين
يعني انا مختلف معاكي شوية في النقطة دي ومش مشكلة ان الطالب يدرس اي مجال بلغة اجنبية
لكن اللي يغيظ فعلا بجد ويحرق الدم بقى هي المبالغ الرهيبة اللي بنسمعها مقابل الدراسة اللي من النوع ده
حاجة فعلا غريبة جدا وخنيقة اوي
انا النهاردة بردو كنت مع واحد صاحبي بيدرس في جامعة 6 اكتوبر وبيدفع 14 الف جنيه ف السنة الواحدة واللي يحرق الدم بقى انه جايب ف الثانوية 91 ف المية
يالا ربنا يسترها معانا ومعلش طولت عليكي
ماتحرقوش دمكم
حرق لدم جاي جاي
دي بداية طريق الغاء مجانية التعليم
لكن الدولة لن تستطيع مباشرة الغاء المجانية لان عدد كبير من اساتذة الجامعات ضد قوانين التعليم الجديدة اللى جاي بيها سي هاني هلال فقرروا يعملوا جزء بفلوس في كل جامعة وكل كلية يكون لها مصدر دخل
وده كمان جزء من المصيبة تمهيدا لرفع الدولة يدها عن دعم التعليم وتبقى كل كلية تصرف على نفسها بما في ذلك دفع مرتبات اعضاء هيئة التدريس
واللى معاه يتفضل عندنا واللى مامعاهوش مايلزمناش ولا يلزموش
هم بس مش ح يقدروا بشكل مباشر يقولوا لغينا المجانية
لكن بيعملوا طريقة لئيمة تانية
جايب مجموع كبير اتفضل نورنا في ابو بلاش
الكراسي فيها مسامير والشبابيك مكسرة والمعامل اي كلام
ماهو ببلاش بقى
في نفس الكلية ياخدوا شوية مباني ينضفوها ويكيفوها ودي بقى للناس المميزة اللى معاهم فلوس
مجموع اقل وفلوس اكتر ليه تتعلم برة لما ممكن تتعلم عندنا ونلهف فلوسك احنا
ييجي بقى الطالب اللى مجموعه اقل شوية وبفلوس بابي يدفع وياخد كل الامتيازات وطالما بيدفع بيقعد في اماكن محاضرات مكيفة والدكاترة اعلى مستوى
ولو انهم نفس دكاترة الكلية برضه لكن لانهم ح ياخدوا فلوس زيادة علشان التعليم المتكلف ده ح يكون اكيد فيه فرق في الجودة.
بس كده
ي كل الحكاية
انتظروا المصيبة الجديدة لما يطبقوا نظام التعليم المعتمد
لما اعمل الموضوع في مدونة التعليم الخاصة بي ح ابقى اعرفكم
هو احنا لسه شفنا حاجة
المصايب الاكبر جاية جاية
bella معاه حق.
دى فعلا بداية الغاء التعليم الزاهد الثمن و بعد كده اللى معاه هيتعلم و اللى ممعاهوش يروح يقدم على هجرة أو ينتحر.
المشكلة الأكبر و اللى هنواجهها بعد 10 سنين الا و هى انه هيبقى فى كمية كبيرة جدا من الخريجيين اللى مبيفهموش ولا بيعرفوا يعتمدوا على نفسهم ولا حاجة لأن بابى هو اللى دفع و عمل كل حاجة.
جدي كان عنده جاكته صوف انجليزي و انا في هندسه تعليم مجاني من بتوع الحكومة
تفتكري ممكن الاقي فرصة عمل في سوق روض الفرج اللي اتنقل العبور ؟؟ و لا فرصتي صعبة ؟ 12 الف جنيه في السنه يعني لو قولنا خمس سنين من غير الكتب و الكراريس و الاساتيك و السندوتشات يبقي محتاج 60 الف جنيه
لأ انا اشيلهم احسن و لما اتخرج اجيب كشك من اللي في اي مول جديد و استمتع برفاهية التسوق مع ضمان لفرصة عمل شريفة او حتي نظيفه و الارزاق علي الله
كنت متخيل إن مناهج هندسة بالإنجليزي أصلا زي الطب
el-tenneen
المشكلة ان الظاهرة دى هى اعتراف صريح بعدم قدرة الدولة على توفير تعليم صحيح و نافع اعتمادا على ميزانيتها
و كمان اللى معاه يدفع المبلغ ده كل سنة ، أكيد معاه ما يؤهله انه يشتغل فى أى مكان و أى حاجة....
ألام و أمال:
نقطة اختلافك ماهى إلا نقطة اتفاق، لان مهم جدا اننا ندرس لغة ، لكن لما نعترف ان التعليم المظبوط بالانجليزى لكن بفلوس، يبقى معناه اننا تعليمنا العربى مالوش لازمة، و لو عايز تتعلم صح ادفع..
غير كده، ان المعيدين هناك بيقولو ان المناهج هيا هيا وبنفس اللغة، لكن لما اتحطت جمبها (مميز) هنسوق للقسم الجديد أحسن
bella:
و على رأى يوسف معاطى:
دى لا باظت ولا خربت ولا جابت جاز لا مؤاخذة، دى عيشة ظريفة جدا...
و أهلا بيك فالمدونة
el-tenneen:
أصلا معظم الخاص دلوقتى للأسف الطلبة بتتخرج منه و هما معترفين بضعف امكانياتهم و معترفين بالوسائل اللى كانت بتساعدهم على النجاح...
ده غير زى ما بتقول ان بابى كتر خيره ظبطه على الآخر
karakib:
طب قوللى، انهى كشك دلوقتى ب60 ألف، و كمان ايه يعنى اما تدفعلك 12 أو 13 ألف كل سنة، ماهو ده متوسط مصروفنا .. ولا ايه رأيك
بس هتفضل هندسة هى هندسة،، و الأصل فالمهندس و دماغه مش فالعربى أو الانجليزى
أصل كورسين تلاتة فالجامعة الامريكية او المعهد البريطانى هيظبطو الدنيا
amr fahmy:
ماهى هندسة أغلب الدراسة فيها انجليزى، بس المميز ده ضحك على الدقون، موضة يعنى
المشكلة كمان ان يطلعلنا طب بالإنجليزى.
انا ساعتها مش هروح لدكاترة خالص,
إنت ماتروحش لدكاترة، و احنا مش هنمشى على كبارى ولا هنسكن فى بيوت (:
مناهج هندسة بالإنجليزي فعلا يا زقزوق، لكن الموضة الجديدة بتفرق في إن العملية مكيفة وعدد الطلبة قليل والمعامل متميزة ومناهج جديدة ومتطورة إلخ إلخ إلخ
عامة الموضوع جامد يا سلمى، اتوقعلك مستقبل باهر ككاتبة معروفة للمقالات الساخرة في الصحف
Today nobody if can forget:
جمال عبد الناصر,
15/1/1918/ - 28/9/1970
The Great, Gamal Abdel Nasser
David Santos
المشكلة مش ف اللغهه عربي ولا انجليزي بدرجه كبيرة
المشكلة في التمييز الشديد بين اللي ف قسم العربي واللي ف سم انجليزي
كأن ديه كليه وديه كليه تانيه
أيمن:
أنا أقصد فعلا التمييز و اللى أساسه باطل، لإن المناهج هي هي لكن التمييز كبيييير، رغم تساوى الامكانيات و ان كانت أعلى كمان فى القسم العادى.
محمد:
زى ما قولت لأيمن، المشكلة الحقيقية فى ان الدولة هي كمان بدأت تتبنى نفس منطق حيتان الجامعات الخاصة، بعد ما كان التعليم الجيد للطالب المتميز، بقى التعليم المتميز للطالب اللى هيصرف جامد أوى..
hoa al7a2e2a tasmet "englizy" de ana mast3'rbha!!!!
la2n aslan a3'lb mawad handsa balanglizy
azon almawdo3 kolo an aly da7'loha ma3rfosh yasmoha aih, ana baktra7 yasmoha "handsa mokiafa" :-)
ya3ny alkasa mafihash lo3'a we so2 3aml we klam man da 7'als
kman atmno aza konto 7'aifen an handsa algam3at al7'asa yashta3'lo we yanfso 7'argeen algam3at al7komya, la2n fors alatnen manila 7'al2a , we aza kan bta3 handset alkahra wla 3ain shams mosh baishta3'l fi ana a2kedlko an 7'aregen algam3at al7'asa mosh baitbas fi al cv bta3thom man aslo , we batatrmy fi alzbala
bgad ektra7 gamed gdn,,"handasa mokayaf" w yeb2a el d7'ol mn el bawaba b 2etnen gneh :D....
w f3ln elly da7'len handasa mokayaf or momayas bykne3o nafsohom en awel mayt7'arago haykasaro el donia w haytla3o 3ala ay gam3a bara w ykamlo ta3lemhom bara w en momayaz de mo3tamada mn el gam3at elly bara" motafa2len"
bas i know en mawdoo3 bel english dah habal mn el a7'er, w dol law ma3ahom wasta t2ela hayla2o 7ata law met7'aragen mn handasa w 3ayzen yshta3'alo fe el teb
وقريبا كلية دار علوم قسم انجليزى ...ولسة ياما حنشوف
و عشان كده احنا اخترناه
كل اللي اقدر اقولهولك
انه ليه تدفع اكتر
لما ممكن تدفع اقل
لأ طبعا عندي مشكلة .. مشكل في اني ادفع ان شالله الف جنيه في السنه
ليه بقي
تعالي اقول لك ليه بقي و المرة دي من غير تهريج
اولا التعليم المجاني مشروع طه حسين اللي نسب لناس تانيه زي ما نسب اليهم انهم اول رئيس جمهورية في مصر بالمخالفة للحقيقه
مشروع جيد جدا
لكن
تعالي كده قولي لي
هو مطلوب مني اني اعلم الناس السباحه لحد ما يبقي ابطال اوليمبيين ؟ مش كفايه يقدر يحرك نفسه في الميه علشان ما يغرقش و ان عجبه الموضوع يكمل و هو لازم كل الناس يبقوا طلاب اكاديميين من الاساس ؟؟ بلاش دي يمكن كلامي مش مفهوم
التعليم المجاني شيء جميل للمتفوقين
و لكن مش لكل الناس
يعني لازم الدولة تصرف علي ناس و ناس لأ
انما لأنه الدولة توسعت و توغلت و تشعبت لحد ما بقي اي كلية و اي معهد مجاني اصبح هناك ظلم للمتفوق
و ما تقوليليش منحة تفوق بتاعة التمانين جنيه اللي بيحرقوا الدم دول ! فوجود مثل تلك الجامعات الخاصة يصبح شيء طبيعي
لأنه بيدفع فيلاقي خدمة تعليمية جيدة
انما بقي وجود مكان لا تدفع و لا تتعلم حتي و ان كنت متفوق فهو شيء مش طبيعي و وضع غير مستقيم
و لا ايه ؟
التعليم الخاص طول عمره أغلى من التعليم الحكومى و ده عشان بيقدم خدمات طلابية أفضل.
المهم فى الموضوع ان الكلام ده غالبا بيبقى فى سنين التعليم الأساسى (يعنى لغاية 3 إعدادى), و ده عشان بيكون الطالب لسة صغير و ميقدرش يعتمد على نفسه كلية, فالأهالى بتفضل انها تعلمهم تعليم خاص و بمصروفات طالما يقدروا عليه, و لكن الغرض فالنهاية هو تأسيس فرد قادر على تحمل أعباء و مشكلات الحياة لما يكبر.
و دليل على ذلك ان كتير من الطلبة دول بيفضل التعليم الحكومى فى فترة ثانوى لأنه بيكون خلاص مش محتاج كل العناية دى و يقدر الطالب انه يقدر اللى عليه و ينتبه لدراسته من غير ما يكلف أسرته كتير( كفاية عليهم الدروس الخصوصية).
المصيبة بأه هى تطور الموضوع ده و وصوله للتعليم العالى, لأنه بيتحكم كمان فى الشهادة اللى الطالب بياخدها و يبنى عليها مستقبله, و ده مختلف تماما عن اللى كان بيتوفرله و هو لسة صغير.
إزاى طالب يدخل كلية هو غير كفء ليها عشان بس يبقى اسمه طالب جامعى و خلاص.
فى أنواع تانية و كليات تانية و مستويات تعليمية كتيرة أوى غير الجامعات و ممكن لو الطالب شايف نفسه فى حاجة مختلفة انه يتقدملها و يدرسها.
أسف على التطويل....بس الموضوع ده فعلا كبير و مناقشته تستاهل أيام و أسابيع.
karakib:
أنا فاهمة وجهة نظرك، اننا نكون زى بقية الدول ، الجامعة مش اجبارى، و المتفوقين بس هما اللى بيقدروا يدخلوها، أو بالأصح اللى عندهم رغبة فى استكمال التعليم لأعلى درجاته، ممكن.. أهو أرحم من إن كله يدخل و يخرج أكته ماعملش حاجة، بس دلوقتى الآية اتقلبت و يا الدفع يا الحبس..
el-teneen:
أصلى طالما هدفع يبقى الشهادة اللى معايا تحولت لسلعة بشتريها، ممكن أكون محتاجها و ممكن أوى أكون جايبها منظر، ممكنةأكون حابة الحاجة اللى بشتريها، و ممكن أكون شرياها لان كله بيشترى...
ولا يا استاذ تنين لاطولت ولا حاجة :)
علي فكرة ما تفرقش كتير يكون واخد الشهادة منظرة او واخدها علشان فعلا عايز ياخدها
اللي يفرق فعلا
انه طبيب يتخرج من كلية طب من غير ما يمارس اي عملي .. او مهندس يتخرج ما يعرفش المخرطة او الفريزة لما بتدور بيبقي شكلها ايه
او صيدلي دخل المعمل (ان جاز ان يسمي بمعمل) تقضية واجب و هو عارف و متأكد انه عمره ما هيخترع دوا
في حاجة مهمه جدا كمان
الفني .. او الفنيين و تعليمهم
التعليم الفني ده مهم جدا الصنايعي او الاسطي ده اللي زيه في المانيا تقله دهب مش لأنه في المانيا لكن لأنه متعلم كويس و فاهم هو بيعمل ايه مش بيطلسق و يجرب في الناس و في الشغل لحد ما يتعلم .. يتعلم الطلسقه و الفهلوه كويس قصدي مش يتعلم صح
اما بقي واخدها منظرة فدي مش مشكلة ما يتمنظر براحته و بفلوشه ماحدش متضرر من ده لو كان التعليم المجاني يكفل المتفوقين بحق و يديهم حقهم في تعليم جيد و معامل و حتي تقدير معنوي
الموضوع كبير اوي ما يتناقش في سطرين ابدا لكن ما نقدرش نقول انه التعليم لو بني علي اسس سلسمة و كان غير مجاني شيء غير جيد لمجرد انه ممكن واحد يتمنظر بيه
ما هو كده كده هايتمنظر في كل حاجة يعني جات علي دي و الناس زعلانه ! و هاتلغي كل حاجة علشان واحد جاي يتمنظر
الاهم من ده كله يكون في تعليم فني جيد يطلع فنيين قادرين علي العمل بشكل علمي صحيح
مش يقول لك العربية دي تقفيل مصري و لا ياباني .. حتي جودة التقفيل مش الاختراع و الابداع مرتبطة بشكل طردي مع الفني و تعليمه
و لا ايه !؟
مشكلة التعليم الغير مجانى، ان الطالب هو اللى بيتحكم فى العملية التعليمية، و هنا بيتدخل فى النجاح عوامل كتير اوى ير قدرة الطالب على اجتياز الاختبارات، و من هنا فعلا بتظهر ملامح انخفاض الفنية و انخفاض قدرات الخريجين
زمان لما كنت لسه مخلص ثانوي طازه جبت 75 في الميه ومالقتش غير تجاره .. قالولي في البيت ندخلك حاجه خاصه عملت فيها السبع رجاله وقلت شيلولي الفلوس بتاعة التعليم الخاص وانا هعيد السنه .. وجبت 92 في الميه .. دخلت فنون تطبيقيه وبقول بس خلاص انا بقيت باشا وبتاع
اني اعرف افتح اي مشروع بالفلوس اللي فضلت من الحوار ده .. لا ممكن ابدا
ومن هنا ومن هذا المزنق .. باطالب كل اب انه مايسمعش كلام ابنه ويجبره على انه يتعلم بفلوس ابوه
واهو كده كده حياه عواطليه
ملحوظه :
الفلوس اللي ابويا شالهالي على حس الحوار ده .. لم تؤهلني اني افتح ورشة او مصنع على صغير نظرا لضخامة مبالغ التصاريح والتأمين الصناعي والسجل التجاري وغرفة الصناعه المصريه
والسلام ختاااااااام
محدثكم سوووو من اما عربية الكشري بتاعة مشاريع الخريجين
طب تخيل بأه يا سووو لو كان اتصرف عليك فى الكلية المبلغ ده ( اللى كان يعتبر كبير ساعتها) و اتخرجت و لقيت نفسك يا مولاى كما خلقتنى، لا طولت شغل و لا طولت تحويش..
احمد ربنا انك معاك قرشين ممكن تفتح بيهم ان شا الله كشك، او تجيبلك كام موبايل تقف بيهم فى ميدان الجيزة..
يعنى من الآخر احمد ربنا ان معاك صنعة فى ايدك( فنان يعنى) و معاك قرشن أهو أى حاجة أحسن من مفيش ، و اديك فاتح عربية كشرى لحين اشعار آخر
حجاً مبروراً و سعياً مشكوراً و ذنباً مغفوراً و تجارةً لن تبور بإذن الله تعالى والحمد لله على سلامتك، والله يتقبل منك صالح الأعمال إن شاء الله أسأل الله أن يرزقنا أداء فرضية الحج الجلل عاجلاً غير آجلاً بإذن الله تعالى ” اللهم آمين يا رب العالمين “ وعقبال الجميع إن شاء الله تعالى .. مع خالص الاحترام و التقدير
من خلال معادلة كلية هندسة كن واثقا أنه يمكنك أن تنجح في الامتحان الخاص بها لكي تضمن النجاح بها و تحرص على الالتحاق بالكلية بعد معادلة كلية الهندسة التي تعمل على تحقيق راحتك دوما و معادلة هندسة عبارة عن مجموعة من المواد البسيطة التي يجب أن تقوم بدراستها
الان و من خلال مركزنا يمكنكم اتمام معادلة كلية الهندسة بسهولة و يسر بمساعدة من أساتذة خبراء في معادلةهندسة يوفرون لكم المعلومات اللازمة و يشرحونها باسلوب مبسط لتتمكنوا من اجتياز معادلة كلية هندسة و تحقيق حلمكم
Post a Comment