طبعا الاخت دينا مش بتسيب حد فحالة، بس يالا انا اول مرة اعمل تاج، بس طلع لذيذ اوى، ومن منطلق اننى كلى مميزات وأهم ميزة فيا التواضع، قولت سيبنا شوية من المميزات و خلينا فالحاجات التانية
دى اكتر خمس حاجات انا شايفاها فنفسى، ده طبعا بعد مجهود جبار انى اقدر اعرفهم
اول حاجة بجد انى اول مااخرج من باب البيت ببأه هتجنن وانام،، و بنام فعلا، بس اول مادخل البيت بفوووووق جدااا، و حتى كذا مرة قولت لماما عايزة اروح لدكتور يفسر الحالة الغريبة دى، حتى فالمحاضرات و المترو عند قرايبى، لازم انام ، وبس اشوف البيت افوووق للصبح.
دى اكتر خمس حاجات انا شايفاها فنفسى، ده طبعا بعد مجهود جبار انى اقدر اعرفهم
اول حاجة بجد انى اول مااخرج من باب البيت ببأه هتجنن وانام،، و بنام فعلا، بس اول مادخل البيت بفوووووق جدااا، و حتى كذا مرة قولت لماما عايزة اروح لدكتور يفسر الحالة الغريبة دى، حتى فالمحاضرات و المترو عند قرايبى، لازم انام ، وبس اشوف البيت افوووق للصبح.
ثانيا: الريشة دى كل حياتى ( لعبة الريشة الطائرة) /،، أى نعم مابقيتش اروح التمرين تقريبا، بس مؤمنة بانها اجمل رياضة فالدنيا، بجد بنسى أى مشاكل و انا فالتمرين، و برجع واحدة مختلفة. بجد لعبة وهمية
ثالثا ، بأه انا تقريبا هتحول لراديو او اتحولت بالفعل لإنى بتكلم كتيير اوى، و بحب اتكلم خصوصا مع ناس عارفين نفسهم ابرزهم( دينا و ماما و هدى و علا)) و شبه بجيبلهم صداع يوميا،، بس والله يا جماعة بحاول اقلل الكلام، بس فَشَلت، اعمل ايه الكلام هو اللى كتيير اوى.
أما رابع حاجة: فكمان سريعة الاكتئاب بدرجة رهيبة، يعنى ممكن ابقى كويسة و عادى مفيش حاجة و مرة واحدة وبدون مقدمات اتحول و اكتئب بدرجة غريبة
أما رابع حاجة: فكمان سريعة الاكتئاب بدرجة رهيبة، يعنى ممكن ابقى كويسة و عادى مفيش حاجة و مرة واحدة وبدون مقدمات اتحول و اكتئب بدرجة غريبة
خامسا: بكره الوحده، وماعنديش استعداد اقعد فمكان لوحدى مدة طويلة، إلا لو كنت متضايقة جدا، وبل العكس بتزيد حالة الاكتئاب دى اكتر و انا لوحدى، و معرفش استمتع بحاجة وأنا لوحدى لاازم معايا حد، لازم.
15 comments:
بصراحه يا سلوم هى الحاجات دى كلها معروفه عنك ده انتى يا بنتى مشهورة بيها ولكن على اعتبار انى يعنى اتفاجئت هقولك:متبطليش رغى لأن رغيك زى السكر والواحد عمرو ما بيصدع منه ومتبطليش نوم لان النوم سلطااااااااان وانتى اجدع سلصاااااان و
ايه الحاجات الحلوة ديه , بقي انت راغية امال انا اقول ايه
على العموم التاج وصلك ووصلي ودي مشكلة في حد ذاتها هاقول اي عن نفسي ..ربنا يستر بقي استني ردي على التاج النهاردة ربنا يستر
ربنا يخليكى ليا دودو، بس انتى اللى جنيتى على نفسك، و قولتى ان رغيى زى السكر، ماتندمييش بأه
علا، لأ لأ انتى مش رغاااية خالص، بس مستنيين التاج بتاعك، و ياترى هيبقى فيه ايييه؟؟!
ست دينا اللى مش بتسيب حد فى حاله طب ايه رأيك بقى مش هاسيبك فى حالك يا سلمى وانا وانتى الايام بيننا
;)
وكمان ياستى عارفيين انك اهم ميزة فيكى التواضع
بس جدعة والله يا سلمى انك قولتى حكايه النوم دى وابقى قولى كمان انك بتنامى وانتى بتكتبى المحاضرة وتصحى تكمليها برضو معرفش ازاى
:D
وكمان عارفين انك بطلة قومية فى الريشة ايه الجديد يعنى
واما بالنسبة للرغى ..ياستى ربنا يعينا, احنا بنحاول نسمع للشعب برضه ونعمل اللى فى نفسه
:D
تعالى للاكتئاب انتى يابنتى لا كئيبة ولا حاجه ده بالعكس ده انا اكتشفت انك الفترة دى بالذات مش مكتئبة ازاى؟؟؟؟ تعالى شوفينى انا مثلا ..ايوا كده عيشيها ولا يهمك
:)
اما موضوع الوحده دى متقلقيش منها لانى مش هاسيبك فى حالك يا انسة سلمى
وطول ما فى باباكى ماماتك ومحمد اخوكى اعتقد انه صعب اوى تحسى الاحساس ده
بس ابقى قولى حاجه معرفهاش :P
ديناز هانم،، يابنتى انا بنام فالمحاضرة بس عين صاحية مركزة وعين بتسترخى( زى نابليون كجه لما كان بيعمل 10 حاجات فى وقت واحد)،،
و معلش بأه اديكى بتسمعى وكله فى ميزان حسنات سعادتك
و فعلا على رأيك لا اكتئاب ولا بتاع(( قطيعة))
و ربنا يخليكى لياااا انتى و شلة الانس كلها(بقينا 12تقريبا،، ما شاء الله))
برضه ابقى قولى حاجه جديدة
:P
ايوا على رأيك بقينا دستة.. فى عين العدو
ممممممم
فهمت موضوع النوم دا
وانا كل اما اشوفك اقول يعيني شكلها تعبانة ومنمتش طول الليل ربنا يعنهم علي الكلية دي
طلع الموضوع حاجة تانية خالص
موضوع الريشة دا انا اعرفه من زمان اوي بس جكيل ان الانسان يكون ليه رياضة بتحبها
اما موضوع الكلام والراديو مش مصدقة خالص مش باين عليكي انك بتتكلمي اساساً
وربنا يبعد عنك الاكتائب والوحديه يابنتي
ويكفيكي شرهم
صحيح هو السؤال كان عن الحاجات اللي يعفرها كل الناس ولا اللي ميعرفهاش حد
لا يا محمد صدق اوى حكاية الكلام دى.
و السؤال عام، يعنى حاجات انت شايف انها مميزة فييك، سواء الناس عارفاها او لأ
بجد يسلمي يعني عادي ان تكون الناس عارفها
كدا حلتيلي الموضوع
ثانكث
ما فيش حاجة مش معروفة بس كله كوم وموضوع النوم ده كوم تانى يا سلوم ، ما قلتيش ليه ان انت بتنامى فى المحاضرات وبرده بتخرجى من المحاضرة كاتباها على راى دينا مش عارفة ازاى، المهم مش ده المشكلة اهى فى الاخر محاضراتك وانت حرة فيها لكن المشكلة بقى ان كل الناس بتصور محاضراتك ايام الامتحانات.. كارثة
الله اكبر
كان عندنا كتكوت وكبر
هتنقوا علي البنت بقي
بس قولوا الحمد ان في تصوروا منه
Salamo
أولا انا اول مرة اعلقلك على حاجه بس مش عارفه بقى هاتعرفينى ولا لاء
المهم بجد يل سلمى قبل كل شئ انا بحبك جداا و ما تعرفيش معزتك عندى قد ايه.
اما بالنسبه للحاجات اللى انتى قلتيها على نفسك انا بجد مش شايفه انك كئيبه ولا حاجه بالعكس انتى فعلا انسانه محبه للحياه زييى بالظبط , اما بالنسبه لموضوع النوم ده انا ممكن اعزرك فيه لانى انا كمان بحس بنفس الموضوع لكن لو انا فى مشاور مع حد مهم قوى يعنى :) بنسى الموضوع ده خالص
وبجد يا سلمى انا شايفه فيكى حاجات كتيرة حلوة قوى عشان كده انا بحبك بجد بس انا برده بحبك لسبب تانى و لو قلتهولك انتى هاتعرفى انا مين عشان كده انا هاسبهالك كده و كفايه تعرفى انى بعزك بجد :)
ربنا يوفقك يا سلمى فى حياتك يارب وتبقى لاعيبه ريشه قد الدنيا و كمان برده يبقى ليكى مكان مرموق ان شاء الله فى المكان الأعلامى و ده لفصاحه لسانك وحسك الفنى و الأدبى والرياضى كمان :)
الأمضاء : يارب تعرفينى :)
لا يا جماعة عادى ماتقلقوش من حوار المحاضرات ده، انا لما بنام فى محاضرة و اكتبها وحش مش بخلى حد يصورها و انا نفسى بتخلص منها عشان مجرد ماباشوفها بنام
و شكرا للأخت اللى بتحبنى عشان انا كمان حبيتك من التعليق، ومعلش بأه مش عارفة مين،، و هكون سعيدة اكتر لو عرفت.
و ماتخافش يا محمد عادى لو مافيش اللى نصور منه بنتعامل و بنعمل احلى تأليف
خلاص يا عم شيمو اتعرفتى واللى كان كان،، وعلى العموم انا بحبك اكتر بردو، عشان انتى من الناس المميزة جدا جدا جدا اللى شوفتهم فى حياتى، واتمنى يااارب انك تفضلى فى حياتى و نفضل اصحاب ونجرى مع بعض على طول ان شاء الله
انا عايزة أسألك سؤال صغير.
أزاى بتقولى انك عاملة زى الراديو و من الناحية التانية بتقولى ان عندك اكتئاب, مش شايفة انهم حاجتين متناقضتين يا سلمى....؟؟؟؟
انا عن نفسى شايفة ان الأكتئاب ده مش اسمه اكتئاب , ممكن يكون زعل او خوف من حاجة معينة و بياخد فترته و يعدى.
الشخض الممكتئب بيميل للعزلة و قلة الكلام عشان معندوش حاجة يقولها و خايف يواجه الناس اللى حواليه خوفا من الأصطدام بالواقع.
و انتى برضو اللى بتقولى انك مبتحبيش تقعدى لوحدك فالبيت و كمان بتحبى تلعبى رياضة.
ملخص كلامى انى بقولك انك معندكيش اكتئاب خاااااااااااااااالص.
شكرا جزيلا.
Post a Comment